Formannskjör í Sjúkraliðafélagi Íslands
14 feb. 2018
Ágæti sjúkraliði Vegna undirbúnings að kosningu í formannskjöri til Sjúkraliðafélagi Íslands hefur félagið hafið undirbúning að kjörskrá. Samkvæmt lögum Sjúkraliðafélags Íslands eru þeir kjörgengir, sem hafa skráð sig í félagið og lagt inn leyfisbréf gefið út af Landlæknisembættinu. Úr lögum félagsins “4. gr.: Innganga í félagið Einstaklingur sem óskar aðildar að félaginu skal sanna stjórn félagsins réttindi sín með framlagningu leyfisbréfs útgefnu af Landlæknisembættið, eða með öðrum gögnum sem stjórnin metur gild. Halda skal aukaskrá yfir sjúkraliða sem starfa samkvæmt kjarasamningum félagsins, störf sem gefa þeim rétt til aðildar og greiða félagsgjöld, en hafa ekki óskað eftir inngöngu í félagið. Réttindi starfsmanna sem öðlast aðild að félaginu með þessum hætti skulu vera þau sömu og aukameðlima, samkvæmt 6. gr. 6. gr.: Aukaaðild Nemum er heimilt að gerast aukameðlimir að félaginu meðan á námi stendur. Aukameðlimir hafa tillögu og málfrelsi, án atkvæðisréttar um málefni félagsins, nema annað sé ákveðið. Aukameðlimir sem greiða félagsgjöld til SLFÍ af launum skulu njóta fyrirgreiðslu félagsins varðandi meðferð og túlkun kjarasamninga, réttindamál og félagslega þjónustu. 43. gr.: Kosning formanns Formaður félagsins skal kosinn í allsherjaratkvæðagreiðslu. Á kjörskrá og með kosningarétt eru allir félagsmenn Sjúkraliðafélags Íslands. Ef fleiri en einn er í kjöri og fá sama atkvæðamagn skal hlutkesti ráða úrslitum.” Samkvæmt lögunum þarf að miða kjörskrá við félagatal Sjúkraliðafélags Íslands í þeim mánuði sem allsherjaratkvæðagreiðslan fer fram. |