Trúnaðarmannanámskeið 1. hluti
26 feb. 2019
Aðildarfélög BSRB standa reglulega fyrir námskeiðum fyrir trúnaðarmenn. Dagana 11. og 12. mars verður fyrsti hluti trúnaðarmannanámskeiðs Félagsmálaskóla alþýðu og mun námskeiðið fara fram í BSRB-húsinu að Grettisgötu 89. Námskeiðið er opið öllum trúnaðarmönnum og þeim félagsmönnum sem áhuga hafa á að taka að sér trúnaðarstörf.
Námskeiðið er sérstaklega sniðin að þörfum þeirra sem hafa nýlega tekið að sér hlutverk trúnaðarmanns eða annars konar trúnaðarstarf á vegum síns félags.
Á námskeiðinu er meðal annars farið ítarlega í hlutverk stéttarfélaga, sambanda og heildarsamtaka á vinnumarkaði. Einnig er hlutverk trúnaðarmannsins rætt og hvernig hann eigi að vinna með umkvörtunarefni.
Hvert er hlutverk trúnaðarmanns á vinnustað, hvað á hann að gera og hvað á hann ekki að gera? Hvert er hlutverk trúnaðarmanna samkvæmt lögum og kjarasamningum. Hvar getur trúnaðarmaður aflað sér upplýsinga um túlkanir kjarasamninga og önnur mál sem koma inn á hans borð. Hvernig eiga trúnaðarmenn að taka á móti umkvörtunum og vinna úr þeim.
Skráning er rafræn á heimasíðu Félagsmálaskóla alþýðu.