Starfsnefndir

Í 29. gr. laga Sjúkraliðafélags Íslands er kveðið á um að fulltrúaþing félagsins kjósi starfsnefndir sem starfa á starfsárinu. Starfsnefndir kjörnar af fulltrúaþingi félagsins, skulu starfa í umboði og á ábyrgð stjórnar, nema annað sé sérstaklega ákveðið.

Nefndirnar eru eftirfarandi:
kjörstjórn, kjaramálanefnd, siðanefnd, laganefnd, ritnefnd, orlofsheimila- og ferðanefnd, fræðslunefnd og uppstillinganefnd.

Sérstakar starfsnefndir stjórnar

Félagsstjórn er heimilt að skipa starfsnefndir til að vinna að ákveðnum verkefnum. Hver nefnd kýs sér formann og skal hann leggja niðurstöður nefndarinnar fyrir félagsstjórn áður en þær eru kynntar á öðrum vettvangi.

KJÖRSTJÓRN

Fulltrúaþing kýs fimm fulltrúa og þrjá til vara í kjörstjórn til tveggja ára. Hlutverk kjörstjórnar er:

  1. Að hafa yfirumsjón með kjöri fulltrúa á fulltrúaþing, kanna kjörbréf þeirra og skila áliti sínu í upphafi þings, samanber ákvæði 17. gr. laga félagsins.
  2. Að undirbúa og stjórna allsherjaratkvæðagreiðslu um verkfallsboðun samkvæmt 15. gr. laga nr. 94/1986 um kjarasamninga opinberra starfsmanna.
  3. Að undirbúa og stjórna allsherjaratkvæðagreiðslu um kjarasamninga og frestun eða loka verkfalls samkvæmt ákvörðun félagsstjórnar og kjaramálanefndar.
  4. Sjá um allsherjaratkvæðagreiðslu um kjör formanns samkvæmt 19. gr.
  5. Að undirbúa og annast aðrar atkvæðagreiðslur eða kosningar sem stjórn eða fulltrúaþing , felur kjörstjórn sérstaklega.
  6. Kjörstjórn úrskurðar um úrslit í atkvæðagreiðslum og kosningum, um vafaatkvæði og önnur ágreiningsatriði sem upp koma í atkvæðagreiðslum sem hún annast.

Hulda Birna Frímannsdóttir, formaður nefndarinnar
Sigrún Sigurðardóttir
Þórdís Hannesdóttir

Varamaður:
Magnús Einarsson Smith

KJARAMÁLANEFND

Fulltrúaþing kýs átta félagsmenn beinni kosningu til að starfa í kjaramálanefnd. Kjörtímabil nefndarinnar er tvö ár. Kosning í nefndina skal fara fram árlega og kosnir fjórir fulltrúar hverju sinni. Endurkjör er heimilt. Formaður SLFÍ er sjálfkjörinn í nefndina og er formaður hennar. Tveir nefndarmanna skulu tilnefndir og valdir úr hópi starfandi félagsmanna á landsbyggðinni, þ.e. utan höfuðborgarsvæðisins. Kjaramálanefnd skal í samráði við félagsstjórn og trúnaðarmannaráð annast:

  1. Undirbúning kröfugerðar vegna kjarasamninga.
  2. Fylgjast með efnahags- og kjaramálum og veita félagsmönnum upplýsingar um þau efni.
  3. Taka ásamt félagsstjórn,ákvörðun um allsherjaratkvæðagreiðslu um boðun verkfalla, samanber ákvæði 38. gr. laga þessa.
  4. Undirskrift kjarasamninga skal gerð með fyrirvara um samþykki félagsmanna að viðhafðri allsherjaratkvæðagreiðslu. Við breytingu á kjarasamningi á samningstímabilinu er ekki skylt að viðhafa allsherjaratkvæðagreiðslu.
  5. Heimilt er, með samþykki kjaramálanefndar og félagsstjórnar félagsins að afgreiða kjarasamninga á almennum félagsfundi.

Sandra B. Franks, formaður nefndarinnar
Jakobína Rut Daníelsdóttir
Þórunn M. J. H. Ólafsdóttir
Kristín Ólafsdóttir
Hulda Birna Frimannsdóttir
Kristín Helga Stefánsdóttir
Sjöfn Þórgrímsdóttur
Sigurður Guðmann Diðriksson
Nína Gunnarsdóttir

Varamaður:
Hafdís Dögg Sveinbjarnardóttir

SIÐANEFND

Siðanefnd er skipuð þremur félagsmönnum auk varamanns. Nefndin skal kjörin til tveggja ára með beinni kosningu á fulltrúaþingi félagsins. Stjórnarmenn eru ekki kjörgengir til setu í Siðanefnd.

Siðanefnd er umsagnaraðili ef ástæða þykir til að víkja félagsmanni úr félaginu vegna alvarlegra brota gegn hagsmunum félagsins eða félagsmanna samanber 10. gr. laganna. Starfsreglur Siðanefndar og breytingar á þeim skulu lagðar fyrir fulltrúaþing félagsins til staðfestingar.

Sigrún Vallaðsdóttir
Helga Rebekka Stígsdóttir
Ingibjörg Jóhannsdóttir

Varamaður:
Magnús Einarsson Smith

LAGANEFND
Laganefnd skipuð þremur félagsmönnum auk varamanns, skal kosin á fulltrúaþingi til tveggja ára. Hlutverk laganefndar er að taka til umsagnar tillögur um breytingar á lögum sem stjórn berast. Tillögur laganefndar um breytingu á lögum félagsins eða tillögur annarra sama efnis skulu sendar þingfulltrúum a.m.k. tveimur vikum fyrir boðað fulltrúaþing, samanber 14. gr. laganna.

Freydís Anna Ingvarsdóttir
Sigurlaug Ingimundardóttir
Ásta Marteinsdóttir

Varamaður:
Bergþóra Andrea Hilmarsdóttir

RITNEFND
Ritnefnd skipuð þremur félagsmönnum, auk varamanns skal kosin á fulltrúaþingi til þriggja ára. Hlutverk ritnefndar er að koma að útgáfu tímaritsins ,,Sjúkraliðinn“.

Sigurður Guðmann Diðriksson
Steinunn Svanborg Gísladóttir
Helga Rebekka Stígsdóttir

Varamaður:
Kristín Helga Stefánsdóttir

FRÆÐSLUNEFND
Fræðslunefnd skipuð þremur félagsmönnum og einum til vara, skal kosin á fulltrúaþingi til tveggja ára. Hlutverk nefndarinnar er að stuðla að aukinni menntun félagsmanna.

Hulda Birna Frímannsdóttir
Lára María Valgerðardóttir
Saga Ólafsdóttir

Varamaður:
Áslaug Steinunn Kjartansdóttir

ORLOFSHEIMILA- OG FERÐANEFND
Orlofsheimila- og ferðanefnd skipuð þremur félagsmönnum, auk varamanns skal kosin á fulltrúaþingi til tveggja ára. Hlutverk nefndarinnar er að vinna að orlofsmálum félagsmanna með uppbyggingu orlofsheimila og skipulagningu orlofsferða.

Ólafía Sigrún Einarsdóttir
Halldóra Lydía Þórðardóttir
Ólöf Adda Sveinsdóttir

Varamaður:
Guðrún Ragna Einarsdóttir

UPPSTILLINGARNEFND
Uppstillingarnefnd er skipuð fimm félagsmönnum auk tveggja til vara, skal kosin á fulltrúaþingi til þriggja ára. Kjörtími skal fylgja kjörtíma formanns félagsins. Hlutverk uppstillingarnefndar er að gera tillögu um félaga í stjórn, nefndir, ráð og önnur störf eða embætti sem fulltrúaþing kýs, þ.m.t. fulltrúa félagsins á bandalagsþing og aðalfundi BSRB.

Jakobína Rut Daníelsdóttir
Hafdís Dögg Sveinbjarnardóttir
Ásdís Þorsteinsdóttir
Ásdís María Jónsdóttir
Ragna Kolbrún Ragnarsdóttir

Varamenn:
Anna Spalevic
Bjarney Olsen Richardsdóttir

MINNINGAR- OG STYRKTARSJÓÐUR
Stjórn sjóðsins skal skipuð þremur mönnum sem kjörnir eru á fulltrúaþingi SLFÍ, þar skal einn stjórnarmanna tilnefndur úr framkvæmdastjórn félagsins.

Ingibjörg Ingimundardóttir
Kristín Ólafsdóttir
Ingibjörg Sveinsdóttir

Til baka